A walk to remember - Ang luma kong tsinelas

Malayo man daw ang marating, babalik at babalik ka rin!


Mahaba haba na rin ang serbisyo sa akin ng kasangga ko na to. More or less 3 years na rin nya akong hinatid sa mga destinasyon ng aking buhay.

Kahit sa huling sandali ng kanyang serbisyo sa akin sinigurado nya parin na makararating ako ng maayos sa aking pupuntahan. Mahaba habang biyahe ang aming nilakbay. Sakay, lakad, sakay at lakad yan ang aming naging routine sa tuwing kami'y magkasama.

Tandang tanda ko pa nung unang lumapat ang aking mga paa sa kanyang apakan at kahit medyo may kaluwagan ng kaunti naramdaman kong komportable ako sa kanyang lambot at tibay. Ilang bagyo na rin ang aming nalampasan, at ilang matinding takbuhan at lakaran na rin ang aming pinagdaanan.

Nanatiling matibay at matatag ang aking kasangga, kaya naman sa tuwing may pagkakataon hinahayaan ko lang syang magpahinga.

Salamat kasangga ko, sa tatlong taong paninilbihan bilang panlaban ko sa init ng lupa at basang lansangan. Sa bawat araw na suot kita sa aking mga paa alam kong ako'y nasa mabuting daan.

Ngayong ako'y iniwan mo na mananatili kang magandang alaala sa akin salamat sa matapat mong serbisyo sa akin.